REGISTRES

DU BUREAU

[i543]

court de Parlement, lequel avoit esté par cy devant depputté pour aller, de la part de lad. Ville et des cent notaires d'icelle, en court, vers le.Roy nostre sire et nosseigneurs de son Conseil, luy faire remonstrances du grant interest et dommage dud. seigneur et de lad. Ville, pour la nouvelle creation des tabellions en lad. Ville et autres de ce Royaulme, suivant les mémoires à luy baillez, ad ce qu'il pleust aud. seigneur declairer qu'il n'entend lad. ville de Paris estre comprinse en l'edict nouveau desd, tabellions. En laquelle assemblée se sont trouvez :

Mons^r du Mortier, Maistre des Requestes de l'Os-tel du Roy, Prevost des Marchans;

Mess" de Bragelongne, Perrot, Picot et Godeffroy, Eschevins;

Mess" Luillier, president des Comptes ;

De Livres, de Thou, Prevost, Paillart et Baillet, Conseillers d'icelle Ville ;

Et après ce que led. Aubry a recité le discours de sond, voyage et les dilligences qu'il a faictes, suivant sa légation, a presenté une lettres missives de Monseigneur le President de Montelon, adressans à lad. Ville, dont la teneur ensuit :

A Mess" les Prevost des Marchans et Eschevins de la ville de Paris.

Mess™, j'ay receu voz lettres par Mons^r Aubry, present porteur, et veu les remonstrances que par luy avez envoyées sur la publication de l'edict des tabelionnages, qui ont esté veues au Conseil et remises au Roy, qui a ordonné que l'affaire seroit remise à Fontainebleaue, où il en ordonnera, ainsi qu'il verra estre à faire. Vous pourrez, si voyez que bon soit, faire voz remonstrances aud. lieu. Sur ce, me recommandant à voz bonnes graces, je prie Dieu vous donner en santé longue vie.

De Melle, le viii" de Janvier.

Vostre frere et bon amy,

François de Montelon.

Après laquelle lecture des lettres cy-dessus, led. Aubry a encores adverty la compaignée de plusieurs moyens pour parachever led. affaire. Sur quoy a esté conclud et advisé que, quant led. seigneur sera de retour, sera poursuivy le reste dud. affaire envers led. seigneur ou son conseil, ainsi qu'on verra estre affaire pour le myeulx'¹'.

XXXV. — De Bragelogne, lieutenant de la Prevoste des Marchans.

26 avril i543. (Fol. 35.)

Du xxvi^e jour d'Avril mil v^c xliii.

Aujourcl'uy, au Bureau de Ja Ville de Paris, où estoient Mess" les Prevost des Marchans et Eschevins de lad. Ville, est comparu M" Denis Picot, au-dicteur du Roy en sa Chambre des Comptes et Eschevin d'icelle Ville, ou nom et comme procureur fondé de lettres de procuration de noble homme et sage M^e Nicole de Hacqueville, seigneur d'Atichi, advocat en la court de Parlement, Lieutenant des Prevost des Marchans et Eschevins de la ville de Paris, lequel, en vertu de lad. procuration, dactee

du mardi xxnu^e jour d'Avril mil v° xliii , signée Maheu et Montigné, a declairé qu'il resignoit et mectoit en noz mains led. office de Lieutenant de la Prevosté des Marchans et Eschevinage delad. Ville, au prouffit de noble homme et sage M" Thomas de Bragelongne, Conseiller du Roy en la Conservation des previlleiges royaulx de l'Université de Paris, et non d'autre. Ce faict, est comparu led. de Bragelongne, lequel a acepté led. office. Pour ces causes, a esté receu au serment en tel cas acoustumé.

XXXVI. — Enterrement de mons* l'admiral Chabot aux Celestins de Paris.

₇ juin i543. (Fol. 35.)

Du vn^e jour de Juing mil v^c xliii.

Ensuict l'ordre tenu à l'enterrement et convoy de feu Messire Philippes Chabot, admirai de France, lequel est deceddé en son hostel à Paris, rue des

Juifz, et enterré led. jour en l'eglise et monastere des Celestins ;

Et premierement

Partirent de sad. maison, les Cordeliers, les Ja-

'■) Les trois quarts du fol. 31 v° et les folios 32-34 sont restés en blanc au Registre.